Podcast "Schwätz net!"
Zwei Generationen, zwei Perspektiven auf Dialekt und Kultur. Mutter und Tochter im Dialog über schwäbische Mundart und Lebensweise im Früher und Heute.
Dazwischen schwäbische Gedichte und Kurzgeschichten mit viel Sprachwitz von Jutta Berger zum Aufwachsen in einem schwäbischen Dorf der 1950er.
Alle Folgen erscheinen bei Spotify. Hör hier in unsere erste Folge rein.
Gedichte und Geschichten zur ersten Podcastfolge
SCHWÄBISCH
denkt m'r,
schwätzt m'r,
spürt m'r
als Schwôb!
Alles andere ischd
künstlich,
kalt,
nacket:
"M'r isch dô et so
drhoem!"'
denkt m'r,
schwätzt m'r,
spürt m'r
als Schwôb!
Alles andere ischd
künstlich,
kalt,
nacket:
"M'r isch dô et so
drhoem!"'
"Funkwehrbunk"
D'r Oba hôt an Volksempfänger ghät, des war sei Heiligtum. Neamer hôt an ôlanga derfa weder er, höchschdens d' Oma beim Abstauba, aber au bloß ganz sachte driberfahra, daß se n jô et verstellt hôt! Schao d's Ôgucka war verbodda. Er ischd no als Symbol dôgschdanda, obwohl 'r schao lang nemme dao hôt, mô d'r Oba gstôrba gwäa ischd.
Schliaßlich ischd 'r uf d' Behne (Dachboden) nufkomma ond d'r Baba hôt an nuia Radio kauft. Wenn d' Nôchrichda komma send, hôt d' Oma gsaet: "Ijtzdet, was geits nuis?" ond nô hao-n-i gwißt, daß i ganz still sei muaß ond et neibabbla derf, weil sui losna wölla hôt.
I hao aber garnex vischdanda: "Oma, was hent denn dia Leut dô drenna gschwätzt?" - I hao nämlich gmoet, dô dädet ganz kleine Männla ond Weibla em Radio sitza ond schwätza ond äls hao-n-i hälenga henda neigschbicklet, mô des Liachtle rauskomma ischd, aber nia nex soddigs gseha. - "Ha, halt ebbes vom 'De Gaulle' oder so!" hôt se druf gsaet.
Em Baba seim nuia Radio ischd äwl "Eine Sendung der deutschen Funkwehrbunk" komma. Dô hao-n-i schao druf gwardet ond mi gfraet, weil i gmoent hao, dia dädet sich verschwätza ond des falsch saga, weil des müaßt jô eigentlich "Funkwehrbunker" hôiBa! - D' Oma hôt gsaet, "Des hôißt et so!" -
"D'r Kriag ischd schao lang aus!"
"D'r Kriag ischd schao lang aus!"